Tuesday, November 24, 2009

என்னோட கதையும் சோகம்தான்!


வெள்ளி செவ்வாய் தவிர
மத்தநாளில் விரதம்
அதுவும்,
வெள்ளை வெறுஞ்சோறு
வெஞ்சனமெல்லாம் இல்ல...

அள்ளிவச்ச சோறும்
ஆடுகோழி தின்னுபோக
எஞ்சிய மிச்சம்தான்,
என் வயிறும் நிறையுதில்ல...

நல்லநாள் பெரியநாளில்
நாலுகுடம் தண்ணி,
வெல்லமிட்ட சோறு
வேகவச்ச கடலை...

பிள்ளைகள் பந்தடிக்கப்
பேசாத நடுவர்,
பெண்களின் சண்டையிலோ
கண்ணவிஞ்ச கடவுள்...

இன்னுமென்ன சொல்ல,
என்னுடைய பெருமையின்னு?
பிள்ளையாரா யிருப்பதற்குப்
பெருச்சாளியே தேவலாம்தான்...

**************************************
 
 
இந்தக் கவிதையை யூத்ஃபுல் விகடனில் படிக்க,
 
இங்கே  அழுத்துங்க...

15 மறுமொழிகள்:

anu said...

ha..haa ganpathi pappa...

Congrats sundhara!
nice kavithai :D

க.பாலாசி said...

//பிள்ளைகள் பந்தடிக்கப்
பேசாத நடுவர்,
பெண்களின் சண்டையிலோ
கண்ணவிஞ்ச கடவுள்...//

கவிதையை ரசிக்கிறேன். இளமை விகடனில் வந்தமைக்கும் வாழ்த்துக்கள்.

காமராஜ் said...

கைகுட்றா கண்ணா .

அருமையான கவிதை.
நச்சுன்னு.
சுரீர்னு.

பழசுக்கு கடிச்ச மாதிரி,
சரக்குக்கு தொட்டுக்கிட்ட மாதிரி.

ரொம்ப பிடிச்சிருக்கு அந்த "பெருச்சாளி" டச்.

வல்லிசிம்ஹன் said...

அடடா பிள்ளையாருக்கு வந்த கவலைக்கு
என்ன செய்யறது. அற்புதம் சுந்தரா. ஹா ஹா.

ராமலக்ஷ்மி said...

இந்த முடிவை எதிர்பார்க்கலை:)! நல்லா இருக்கு சுந்தரா. வாழ்த்துக்கள்.

புதுகைத் தென்றல் said...

பிள்ளையாரா யிருப்பதற்குப்
பெருச்சாளியே தேவலாம்தான்...

:)

பிரியமுடன்...வசந்த் said...

அருமையான கவிதை

நகைச்சுவையாவும் கவிதையெழுதலாம்ன்னு நிரூபிக்கிறீங்க...

சுந்தரா said...

//anu said...
ha..haa ganpathi pappa...

Congrats sundhara!
nice kavithai :D //

நன்றி அனு :)

சுந்தரா said...

//பிள்ளைகள் பந்தடிக்கப்
பேசாத நடுவர்,
பெண்களின் சண்டையிலோ
கண்ணவிஞ்ச கடவுள்...//

கவிதையை ரசிக்கிறேன். இளமை விகடனில் வந்தமைக்கும் வாழ்த்துக்கள்.//

நன்றிகள் பாலாசி!

உங்களுக்கும் என் வாழ்த்துக்கள்!

சுந்தரா said...

//ராமலக்ஷ்மி said...
இந்த முடிவை எதிர்பார்க்கலை:)! நல்லா இருக்கு சுந்தரா. வாழ்த்துக்கள்.//

:) நன்றி ராமலக்ஷ்மி அக்கா!

சுந்தரா said...

//புதுகைத் தென்றல் said...
பிள்ளையாரா யிருப்பதற்குப்
பெருச்சாளியே தேவலாம்தான்...

:)//

வருகைக்கு மிக்க நன்றி
புதுகைத் தென்றல்!

சுந்தரா said...

//காமராஜ் said...
கைகுட்றா கண்ணா .

அருமையான கவிதை.
நச்சுன்னு.
சுரீர்னு.

பழசுக்கு கடிச்ச மாதிரி,
சரக்குக்கு தொட்டுக்கிட்ட மாதிரி.

ரொம்ப பிடிச்சிருக்கு அந்த "பெருச்சாளி" டச்.//

நன்றி அண்ணா :)

மனசுக்கு உற்சாகமாயிருக்குது.

சுந்தரா said...

//வல்லிசிம்ஹன் said...
அடடா பிள்ளையாருக்கு வந்த கவலைக்கு
என்ன செய்யறது. அற்புதம் சுந்தரா. ஹா ஹா.//

நன்றி வல்லிம்மா :)

எங்க வீட்டுக்குப் பக்கத்தில் ஒரு மரத்தடிப் பிள்ளையார் இருந்தார். (இப்ப, தனக்குன்னு கூரை போட்டுகிட்டார்) அவரைப் பார்க்கும்போதெல்லாம் எனக்கு இப்படித்தான் தோணும் :)

சுந்தரா said...

//பிரியமுடன்...வசந்த் said...
அருமையான கவிதை

நகைச்சுவையாவும் கவிதையெழுதலாம்ன்னு நிரூபிக்கிறீங்க...//

நன்றி வசந்த்...நகைச்சுவை மட்டுமில்ல, இன்னும் பலசுவைகளில் கவிதை எழுதலாம்னுதான் நினைக்கிறேன்.

அன்புடன் அருணா said...

அச்சோ பாவம் புள்ளையார்!

Post a Comment

LinkWithin

Related Posts with Thumbnails