Monday, December 20, 2010

ஈரம்






ஈரவாசனை படர்ந்திருந்தது
அந்தக் கூரைக் குடிசையின்
எல்லாப் பக்கமும்...

கோரைப்பாயும் ஈரக்கோணியும்
அதனதன் பங்குக்கு
வாசனை பரப்ப,

அரிசிப் பானைக்குள்
அடிவரைக்கும் துழாவி,
உரசிக் கிடைத்த
ஒன்றிரண்டு மணிகளை,

வாசல் குருவியின்
வயிற்றுக்குக் கொடுத்துவிட்டு,
ஈரச் சட்டையுடன்
சோகைப்பிள்ளை சிரிக்க,

உள்ளே,
மூத்திர   ஈரத்தில் அழுதது,
சேலைத் தொட்டிலில்
சின்னப் பிள்ளை...

மாசம் முடியுமுன்னால்
முன்பணம் கேக்குதா?
நாசமாய்ப் போச்சுதென்று
ஓசைஉயர்த்திய எஜமானியிடம்,

ஈரத்தால் வெளுத்த
இருகையும் பிசைந்தபடி,
வாரேம்மா என்றபடி,
வெளியிறங்கி நடந்தவளின்

வீட்டுக்குள் அன்றைக்குக்
காய்ந்து கிடந்தது,
ஓரத்து விறகடுப்பும்,
ஒன்றிரண்டு வயிறுகளும்...

**********

படம் : இணையத்திலிருந்து


11 மறுமொழிகள்:

Meena said...

கவிதை மிகவும் அருமை
தொடருங்கள் ..

விஜய் said...

ஈரமில்லா நெஞ்சுகளால் வற்றிப்போன வறுமை

வாழ்த்துக்கள் சகோ

விஜய்

அரசன் said...

அருமையான எழுத்தோட்டம் ...
நல்லா இருக்குங்க வாழ்த்துக்கள்

Balaji saravana said...

வறுமையின் தாண்டவம் வரிகளின் வழியே!
நல்லாயிருக்கு சகோ!

ராமலக்ஷ்மி said...

//ஈரத்தால் வெளுத்த
இருகையும் பிசைந்தபடி,
//

எங்கள் மனதையும் பிசைந்து விட்டது கவிதை.

சுந்தரா said...

//Meena said...

கவிதை மிகவும் அருமை
தொடருங்கள் ..//
வாங்க மீனா, உங்க முதல் வருகைக்கு என் வரவேற்புகளும் நன்றியும்!

சுந்தரா said...

//விஜய் said...

ஈரமில்லா நெஞ்சுகளால் வற்றிப்போன வறுமை

வாழ்த்துக்கள் சகோ

விஜய்//

வாங்க சகோ, மிக்க நன்றி!

சுந்தரா said...

//அரசன் said...

அருமையான எழுத்தோட்டம் ...
நல்லா இருக்குங்க வாழ்த்துக்கள்//

வருகைக்கும் வாழ்த்துக்கும் நன்றிகள் அரசன்!

சுந்தரா said...

//Balaji saravana said...

வறுமையின் தாண்டவம் வரிகளின் வழியே!
நல்லாயிருக்கு சகோ!//

வாங்க சரவணன், நன்றி!

சுந்தரா said...

//ராமலக்ஷ்மி said...

//ஈரத்தால் வெளுத்த
இருகையும் பிசைந்தபடி,
//

எங்கள் மனதையும் பிசைந்து விட்டது கவிதை.//

வாங்கக்கா, நன்றி!

Meena said...

ஏழ்மையை மிக நன்றாக, ஆழமாகப் படம் பிடித்து காட்டுகிறது உங்கள் கவிதை

Post a Comment

LinkWithin

Related Posts with Thumbnails