ஆட்டி வைக்கிற அன்னபூரணி!

"அப்புவுக்கு அடுத்தவாரம்
பிறந்தநாள் வருதுல்ல,
 எப்பவும்போல இப்பவும்
சாக்குச்சொல்லுவியா அம்மா?" என்று
தன்னை முன்னிலைப்படுத்தித்
தாயின் விழிகளை அளந்த
சின்னவனின் கேள்வியும்,

"டப்பாவுல இருந்த
மருந்தெல்லாம் முடிஞ்சிருச்சி,
அப்பறமா முடிஞ்சா
வாங்கிட்டு வா தாயி..." எனும்
மாமனாரின் இறைஞ்சலும்,

தப்புத்தான்  அம்மா
நான் கணக்கில ஃபெயிலானது
எப்பம்மா எனக்கு நீ
டியூஷன் வைக்கப்போறே?
என்ற சுப்புவின் கேள்வியும்
உந்தித் தள்ள,

இடைவிடாமல் சுற்றிய
இயந்திரத்தோடு இயந்திரமாய்
இட்டிலி மாவை
அரைத்துக்கொண்டிருந்தாள்,
ஆட்டிப் படைக்கிற
விதியினைத் தோற்கடிக்க
ஆட்டி விற்கிற
தொழிலைத் தேர்ந்தெடுத்த அன்னபூரணி!


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

நான்...இயற்கை பேசுகிறேன்!

தமிழுக்கு வணக்கம்!

மழைக்காலத்து மலர்கள்!