வேலையில்லாப் பட்டதாரியின் 'வீட்டுக்' குறிப்புகள்!

-
அப்பா

வரவுக்கும் செலவுக்குமிடையில்
வட்டிக்கணக்குப் பார்த்தபடி
புட்டிக் கண்ணாடி வழியாகப்
பிள்ளைகளின் 
எதிர்காலத்தைத் தேடுபவர்...

சட்டென்று கோவப்பட்டாலும்
சம்சாரத்துக்கு முன்னால்
பெட்டிப்பாம்பு...

அம்மா

அக்கறை காட்டுகிறேனென்று
அவஸ்தைப்படுத்துபவள்
அவ்வப்போது,
அன்பில் கரைத்தும் அழவைப்பவள்.

தப்பென்று தெரிந்தாலும்
தன்மையாய்ப் புரியவைப்பவள் 
அப்பாவுக்கும் பிள்ளைகளுக்குமிடையில்
எப்போதும் தவிக்கும்
இருதலைக்கொள்ளி எறும்பு...

அக்கா

petty cash படியளப்பதில்
பெரிய மனசுக்காரி,
சிலசமயம்,
தட்டிக்கேட்பதில் தாய்.

தம்பி


போட்டுக்கொடுக்கவென்றே
வீட்டிலிருக்கிற ராட்சசன்...
மூத்தவனை முட்டாளாக்க
இளையவனாய்ப் பிறந்துதொலைத்த
எதிரி!


 *****

கருத்துகள்

  1. சாந்தி மாரியப்பன்8 நவம்பர், 2011 அன்று 1:04 PM

    ஜூப்பரு குறிப்புகள் :-)

    பதிலளிநீக்கு
  2. ராமலக்ஷ்மி9 நவம்பர், 2011 அன்று 9:17 AM

    ரசித்தேன் சுந்தரா:)!

    பதிலளிநீக்கு
  3. Yaathoramani.blogspot.com9 நவம்பர், 2011 அன்று 12:22 PM

    தலைப்பு இந்தக் க்விதைக்கு கூடுதல்
    அழகு சேர்க்கிறது அருமையான பதிவு
    தொடர வாழ்த்துக்கள்
    த.ம 2

    பதிலளிநீக்கு
  4. சுந்தரா11 நவம்பர், 2011 அன்று 9:50 AM

    //அமைதிச்சாரல் said...
    ஜூப்பரு குறிப்புகள் :-)//

    வாங்க சாரல் :)

    நன்றி!

    பதிலளிநீக்கு
  5. சுந்தரா11 நவம்பர், 2011 அன்று 9:51 AM

    //ராமலக்ஷ்மி said...
    ரசித்தேன் சுந்தரா:)!//

    நன்றிகள் அக்கா :)

    பதிலளிநீக்கு
  6. சுந்தரா11 நவம்பர், 2011 அன்று 9:53 AM

    //Ramani said...
    தலைப்பு இந்தக் க்விதைக்கு கூடுதல்
    அழகு சேர்க்கிறது அருமையான பதிவு
    தொடர வாழ்த்துக்கள்
    த.ம 2//

    வருகைக்கும் வாழ்த்துக்கும் நன்றிகள் சார்!

    பதிலளிநீக்கு

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தமிழுக்கு வணக்கம்!

-
படம்
தொட்டிலிட்டுத் தாலாட்டி துணையாய்க் கரம்பிடித்து கட்டிலில் கனியமுதாய்க் காதல் மொழி பேசி என்னை உருவாக்கி என்னோடு கலந்துவிட்ட அன்னைத் தமிழுக்கு ஆயிரம் வணக்கங்கள்!!!
மேலும் படிக்கவும்

நான்...இயற்கை பேசுகிறேன்!

-
படம்
எங்கு பார்த்தாலும் புலம்பல் இப்படியா பெய்வதென்ற குமுறல்... வெள்ளம் என்கிறீர்கள் வெறுப்பைக்கொட்டி எழுதுகிறீர்கள்... உள்ளும்புறமும் தண்ணீரென்று ஊரெல்லாம் அங்கலாய்க்கிறீர்கள்... ஆனால், என்ன குற்றம் செய்தேன் நான்? வா வா என்று வருந்தி அழைத்தீர்கள்... வாடுது பயிரென்று வயலில் நின்று விம்மினீர்கள்... கடவுளே, உனக்குக் கண்ணில்லையா? என்று கையை நீட்டிக் கதறினீர்கள்... கடனைக் கட்ட வழியில்லாமல் கடிதம் எழுதிவிட்டுக் கழுத்தில் கயிற்றை மாட்டிக்கொண்டீர்கள்... கோயில் கண்ட இடமெல்லாம் யாகத்தீ வளர்த்தீர்கள், மழைக்காக ஜெபித்தீர்கள், தொழுகையில் அழுதீர்கள்... கழுதைக் கெல்லாம் கல்யாணம் பண்ணிவைத்து வெய்யில் வானத்தை வெறித்து நின்றீர்கள்... மரங்களுக்குப் பதிலாக மாடிவீடாய் அடுக்கிக்கட்டி இறங்கிவந்து அனைவருமாய் கூட்டுப் பிரார்த்தனை செய்தீர்கள்... ஏரிகளில் இடம்வாங்கி எடுப்பாய் வீடுகட்டி ஏசி போட்டு மாளவில்லை எப்போ வரும் மழையென்றீர்கள்... இத்தனையும் கேட்டுவிட்டு எத்தனை தவிக்கிறீர்களென்று, ஐயோ என இரங்கி ஆறுதலாய்ப் பொழிகையில், குளமாகுது ஊரென்று குமுறிக்குமுறி அழுகிறீர்கள்
மேலும் படிக்கவும்

ஜனனம்

-
படம்
அலுத்து உடல்வலிக்க அன்றைய உணவுக்காக உழைத்துத் திரும்பிடும் வறுமைச் சேலைக்காரி... மலையளவு துயரம் மனசினில் புதைந்திருக்க தலைச்சுமையில் முள்விறகு வயிற்றிற்குள் முட்டும்பிள்ளை... அவள் காயாத விறகெடுத்து காய்ந்துபோன வயிற்றோடு அடுப்பைக் கூட்டி உலையேற்றும் இரவுவேளை... கழற்றிப் போட்டுவந்த தலைப்புச் சேலையினில் முடிந்துவைத்த காசுக்குக் குடித்துவந்த அவள் கணவன்... அடுப்பில் உலைகொதிக்க அனலாக மனம்தகிக்க தழலாக வந்துவிழும் சாராய வசவுச்சொற்கள்... எடுத்துக்கொள் கடவுளே இந்தவாழ்க்கை இனியும்வேண்டாம் என்று மனம்குமுற எழுந்தது வயிற்றில்வலி... சுழித்துச் சிதறடித்த வேதனையை விழுங்கிவிட்டு உரக்கக் குரல்கொடுத்தாள் கணவனை அழைப்பதற்கு... போதையின் போர்வையில் புலம்பிக் கிடந்தவனின் காதில் விழாதகுரல் அயலாரை அழைத்துவர அடுப்பின் கணகணப்பில் அரைகுறை இருள்விளக்கில் சிரிப்பை மறந்தவளின் வாழ்க்கையில் ஒளிஉதயம்... வீறிட்டு அழுதபிள்ளை விரல்பூவால் தொடச்சிலிர்த்து மாறியது சோகம் முகிழ்த்தது மென்முறுவல்... பெற்றமகன் முகத்தைப் பெருமையுடன் பார்த்தவேளை அவள் பட்டதுயரமெல்லாம் பஞ்சாகிப் பறந்ததங்கே...
மேலும் படிக்கவும்