Saturday, March 1, 2014

ஆட்டி வைக்கிற அன்னபூரணி!

"அப்புவுக்கு அடுத்தவாரம்
பிறந்தநாள் வருதுல்ல,
 எப்பவும்போல இப்பவும்
சாக்குச்சொல்லுவியா அம்மா?" என்று
தன்னை முன்னிலைப்படுத்தித்
தாயின் விழிகளை அளந்த
சின்னவனின் கேள்வியும்,

"டப்பாவுல இருந்த
மருந்தெல்லாம் முடிஞ்சிருச்சி,
அப்பறமா முடிஞ்சா
வாங்கிட்டு வா தாயி..." எனும்
மாமனாரின் இறைஞ்சலும்,

தப்புத்தான்  அம்மா
நான் கணக்கில ஃபெயிலானது
எப்பம்மா எனக்கு நீ
டியூஷன் வைக்கப்போறே?
என்ற சுப்புவின் கேள்வியும்
உந்தித் தள்ள,

இடைவிடாமல் சுற்றிய
இயந்திரத்தோடு இயந்திரமாய்
இட்டிலி மாவை
அரைத்துக்கொண்டிருந்தாள்,
ஆட்டிப் படைக்கிற
விதியினைத் தோற்கடிக்க
ஆட்டி விற்கிற
தொழிலைத் தேர்ந்தெடுத்த அன்னபூரணி!


4 மறுமொழிகள்:

Bagawanjee KA said...

ஓடிவிட்ட வறுமையை காணாமல் ஒருநாள் சிரிக்கத்தான் போகிறார் அன்னபூரணி அம்மாள் !

திண்டுக்கல் தனபாலன் said...

உழைப்பிற்கு உயர்வு உண்டு...

ராமலக்ஷ்மி said...

நல்ல கவிதை சுந்தரா!

காமராஜ் said...

ஆட்டி வைத்த அன்னபூரணி மனம் கலங்க வைக்கிறாள்

Post a Comment

LinkWithin

Related Posts with Thumbnails